Chet tillar

Til millatlararo ko`prikdir!

Tarixga nazar tashlasak, Rus filologiyasi fakulteti  (1940-1950 yillarda) alohida  fakultet bo‘lib faoliyat ko‘rsatgan. Ushbu fakultetda Rus tilshunosligi (1940 y.), Rus va chet el adabiyoti (1940 y.), Rus tili va uni o‘qitish metodikasi (1947 y.), Koreys tili va adabiyoti (1956 y.) va bir necha yil tatar  tili kafedralari faoliyat ko‘rsatishgan. 1985 yildan Rus va tatar filologiyasi fakulteti  tashkil qilinib (fakultet dekani J.L. Azizov), keyinchalik rus va koreys filologiyasi (fakultet dekani I.G.Yugay) fakulteti deb 1992 yildan nomlandi. 


Chet tillar fakulteti 2000 yilda tashkil etilgan bo‘lib, bunda Ingliz va nemis tillari ta’lim yo‘nalishlari bo‘yicha “Ingliz tili”, “Nemis  tili” kafedralari faoliyat ko‘rsatishgan. Keyinchalik 2002 yilda “Ingliz tili amaliy kursi” kafedrasi tashkil topgan . 


2005-2006 o‘quv yilida xorijiy tillar sifatida bu fakultetlar birlashtirilib yagona Chet tillar fakulteti deb yuritila boshladi.


Hozirgi kunda fakultetda 6 ta ta’lim yo‘nalish bo‘yicha talabalar tahsil olishadi. Bular “Ingliz tili va adabiyoti”, “Nemis tili va adabiyoti”, “Rus tili va adabiyoti”, “Koreys tili va adabiyoti”, “Rus tili va adabiyoti (o‘zga tilli guruhlarda)” va Qozoq tili va adabiyoti ta’lim yo‘nalishlaridir.


Hozirgi kunda fakultetda 900 ga yaqin talaba “Ingliz tili va adabiyoti ”, “Nemis tili va adabiyoti ”, “Rus tili va adabiyoti”, “Koreys tili va adabiyoti”, “Rus tili va adabiyoti (o‘zga tilli guruhlarda)” va Qozoq tili va adabiyoti ta’lim yo‘nalishlari bo‘yicha tahsil olishadi.


Fakultetda 4 ta kafedra faoliyat ko‘rsatmoqda:


Ingliz tili nazariyasi va o‘qitish metodikasi kafedrasi:


Ingliz tili amaliy kursi kafedrasi: 


 


Rus tili o‘qitish metodika kafedrasi:


 


Rus adabiyoti o‘qitish metodika kafedrasi:


 


Fakultet dekani:


v.b. Abdumajit Mamasolievich Mamadaliev 


 


Ma’naviy-ma’rifiy ishlar bo‘yicha dekan muovini:


 Gulbaxor Kinjaeva


 


O‘quv ishlari bo‘yicha dekan muovini:


Mo‘ydinov Qodirjon Abdurasulovich


 


Fakultet murabbiylar kengashi raisi:


O‘tkir Nurillaevich Murodov 


 


Hotin-qizlar qo‘mitasi raisi:


Dildora Qosimovna


 


Fakultet kasaba qo‘mitasi raisi:


Korzun Aleksandr


 

Mamadaliyev Abdumajit Mamasoliyevich

Pedagogika fanlari nomzodi (PhD)

Jahon tillari universiteti (sobiq Toshkent davlat chet tillar pedagogika instituti)ning ingliz tili fakultetini 1984-yilda tamomlagan. Sobiq Sovet armiyasida harbiy xizmatdan so'ng, Moskva davlat chet tillar pedagogika institutida mustaqil tadqiqotchi sifatida ilmiy faoliyat olib borgan. 1994-yili nomzodlik dissertatsiyasini muvaffaqiyatli himoya qilgan. 1994-2016-yillari xalqaro jurnalistika sohasida BBC World Service Monitoring (Buyuk Britaniya) turli lavozimlarda ishlagan. 2018-yil fevral oyidan Chet tillar fakulteti dekani.

+998712767883
ezozkam2@gmail.com

Кенжаева Гулбахор

Чет тиллари

маънавият замдекан

маънавият замдекан


Tarixga nazar tashlasak, Rus filologiyasi fakulteti (1940-1950-yillarda) alohida fakultet bo‘lib faoliyat ko‘rsatgan. Ushbu fakultetda Rus tilshunosligi (1940-yil), Rus va chet el adabiyoti (1940-yil), Rus tili va uni o‘qitish metodikasi (1947-yil), Koreys tili va adabiyoti (1956-yil) va bir necha yil tatar tili kafedralari faoliyat ko‘rsatishgan. 1985-yildan Rus va tatar filologiyasi fakulteti tashkil qilinib (fakultet dekani J.L. Azizov), keyinchalik rus va koreys filologiyasi (fakultet dekani I.G.Yugay) fakulteti deb 1992-yildan nomlandi.
Chet tillar fakulteti 2000-yilda tashkil etilgan bo‘lib, bunda Ingliz va nemis tillari ta’lim yo‘nalishlari bo‘yicha “Ingliz tili”, “Nemis tili” kafedralari faoliyat ko‘rsatishgan. Keyinchalik 2002-yilda “Ingliz tili amaliy kursi” kafedrasi tashkil topgan .
2005-2006-o‘quv yilida xorijiy tillar sifatida bu fakultetlar birlashtirilib yagona Chet tillar fakulteti deb yuritila boshladi.
Hozirgi kunda fakultetda 6ta ta’lim yo‘nalish bo‘yicha talabalar tahsil olishadi. Bular “Ingliz tili va adabiyoti”, “Nemis tili va adabiyoti”, “Rus tili va adabiyoti”, “Koreys tili va adabiyoti” va “Rus tili va adabiyoti (o‘zga tilli guruhlarda)” ta’lim yo‘nalishlaridir.
Hozirgi kunda fakultetda 900 ga yaqin talaba “Ingliz tili va adabiyoti ”, “Nemis tili va adabiyoti ”, “Rus tili va adabiyoti”, “Koreys tili va adabiyoti”, “Rus tili va adabiyoti (o‘zga tilli guruhlarda) ta’lim yo‘nalishlari bo‘yicha tahsil olishadi.
Fakultetda 4 ta kafedra faoliyat ko‘rsatmoqda:
Ingliz tili nazariyasi va o‘qitish metodikasi kafedrasi:
Ingliz tili amaliy kursi kafedrasi:
Rus tili o‘qitish metodika kafedrasi:
Rus adabiyoti o‘qitish metodika kafedrasi:


Chet tillar fakultetining yo`nalishlari:
-Ingliz tili va adabiyoti ta’lim yo‘nalishlari bo‘yicha;
-Nemis tili va adabiyoti;
- Koreys tili va adabiyoti ;
- Rus tili va adabiyoti;
-Rus tili va adabiyoti (o`zga tilli guruhlarda) ;

Nizomiy nomidagi TDPU Chet tillar fakulteti
N I Z O M I
I.Umumiy qoidalar
1.1. Rus filologiyasi fakulteti (1940-1950 yillarda) alohida fakultet bo‘lib, faoliyat ko‘rsatgan. Ushbu fakultetda Rus tilshunosligi (1940-y.), Rus va chet el adabiyoti (1940-y.), Rus tili va uni o‘qitish metodikasi (1947-y.), Koreys tili va adabiyoti (1956-y.)va bir necha yil tatar tili kafedralari faoliyat ko‘rsatishgan. 1985-yildan Rus va tatar filologiyasi fakulteti tashkil qilinib( fakultet dekani J.L.Azizov), keyinchalik rus va koreys filologiyasi (fakultet dekani I.G.Yugay) fakulteti deb 1992-yildan nomlandi.
Chet tillar fakulteti 2000-yilda tashkil etilgan bo‘lib, bunda Ingliz va nemis tillari ta’lim yo‘nalishlari bo‘yicha “Ingliz tili”, “Nemis tili” kafedralari faoliyat ko‘rsatishgan. Keyinchalik 2002-yilda “Ingliz tili amaliy kursi” kafedrasi tashkil topgan .
2005-2006-o‘quv yilida xorijiy tillar sifatida bu fakultetlar birlashtirilib yagona Chet tillar fakulteti deb yuritila boshladi.
Hozirgi kunda fakultetda 6 ta ta’lim yo‘nalish bo‘yicha talabalar tahsil olishadi. Bular “Ingliz tili va adabiyoti ”, “Nemis tili va adabiyoti ”, “Rus tili va adabiyoti”, “Koreys tili va adabiyoti”, “Rus tili va adabiyoti (o‘zga tili guruhlarda)” ta’lim yo‘nalishlaridir.
1.2. Fakultet o‘z faoliyatida O‘zbekiston Respublikasining Konstitutsiyasi, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari, “Ta’lim to‘g‘risida”gi Qonuni, Kadrlar tayyorlash milliy dasturi, O‘zbekiston Respublikasi Mehnat Kodeksiga, Oliy va o‘rta maxsus ta’lim vazirligining normativ-huquqiy hujjatlari va ko‘rsatmalari, shuningdek, Universitetning ichki tartib va odob-axloq qoidalari, jamoa shartnomasi hamda mazkur Nizomga amal qiladi.
1.3. Fakultet o‘ziga xos mol-mulkka ega va ushbu mol-mulk bo‘yicha o‘z majburiyatlariga muvofiq javob beradi.
1.4. Fakultet joylashgan yuridik manzili: 100185, Toshkent shahri, Chilonzor tumani, Bunyodkor ko‘chasi, 27-uy.
II. Fakultetning asosiy vazifalari va faoliyat yo‘nalishlari
- respublikada uzluksiz ta’lim tizimi uchun yuqori malakali pedagogik kadrlarni xalqaro standartlar darajasida sifatli tayyorlash;
- tegishli pedagogik ta’lim yo‘nalishlar va mutaxassisliklar bo‘yicha davlat ta’lim standartlarini, o‘quv rejalari va dasturlarini, ilmiy-metodik adabiyotlarni ishlab chiqishda ishtirok etish, hamkorlik asosida rivojlangan xorijiy ta’lim muassasalarining tajribasini hisobga olgan holda ilg‘or pedagogika texnologiyalarini sinovdan o‘tkazish va joriy etishga taklif kiritish;
- idoraviy bo`ysunishidan qat’iy nazar respublikada pedagog, muhandis-pedagog va ilmiy-pedagog kadrlar tayyorlaydigan ilmiy-pedagogik har tomonlama yetuk, raqobatdoshli mutaxassislar bo‘lib yetishishlariga mo‘ljallangan kompleks ma’naviy-ma’rifiy ishlarni amalga oshirish;
- davlat ta’lim standartlari, malaka talablari, o‘quv rejalari va dasturlar, o‘quv-metodik adabiyotlarni hamda elektron-ta’lim resurslarini yaratish va takomillashtirishda ishtirok etish;
- qo‘shma ilmiy loyihalarni amalga oshirish, ilmiy-ta’lim jarayoniga yetakchi xorijiy mutaxassislarni jalb etish maqsadida xorijiy oliy ta’lim muassasalari va ilmiy markazlar bilan hamkorlik aloqalarini rivojlantirishda takliflar berish.

III. O‘quv-tarbiyaviy va ilmiy-metodik ishlarning subyektlari, ularning huquq va majburiyatlari
Talabalar:
3.1. Universitet rektorining buyrug‘i bilan o‘qishga qabul qilingan shaxs mazkur universitetning talabasi hisoblanadi. Talabaga talabalik guvohnomasi hamda reyting daftarchasi bepul beriladi.
3.2. Fakultetning talabalari quyidagi huquqlarga ega:
- fan, texnika, zamonaviy texnologiyalar yutuqlariga mos keluvchi bilimlar olish;
- universitet axborot resurs markazida mavjud bo‘lgan adabiyotlar, davriy nashrlar, elektron ta’lim resurslaridan belgilangan tartibda bepul foydalanish;
- bepul maslahatlar va yo‘l-yo‘riqlar olish;
- auditoriyalar, ta’lim jarayoniga oid o‘quv texnik vositalardan o‘rnatilgan tartibda bepul foydalanish;
- ta’lim jarayoni samaradorligi va ta’lim sifatini oshirish yuzasidan o‘z taklif-mulohazalarini, tanqidiy fikrlarini belgilangan tartibda ta’lim muassasasi, dekanat va kafedra rahbariyatiga bildirish hamda ularni ko‘rib chiqilishini talab qilish;
- universitet va fakultet miqyosida o‘tkaziladigan ma’naviy-ma’rifiy va sport tadbirlarida ishtirok etish;
- ilmiy tadqiqot ishlarida va ilmiy konferensiyalarda o‘rnatilgan tartibda faol qatnashish;
- universitetda qonuniy ravishda faoliyat yuritayotgan jamoat birlashmalariga a’zo bo‘lish;
- o‘qishdan tashqari vaqtlarda fakultet ma’naviy-ma’rifiy, ta’mirlash, qurilish, ko‘kalamzorlashtirish, qishloq xo‘jalik va boshqa jamoat hamda qonunchilikka zid bo‘lmagan ishlarda ishtirok etish.
Talaba sifatli va yuqori saviyada bilim olishi, tanlagan ixtisosligi bo‘yicha yuqori malakali mutaxassis bo‘lib yetishish uchun zarur bo‘lgan qonun hujjatlariga zid bo‘lmagan boshqa huquqlardan foydalanishga haqlidir.
Talaba o‘z huquqlarini suiste’mol qilmasligi, bu huquqlardan o‘zga shaxslar manfaatiga zid maqsadlarda foydalanmasligi shart.
3.3. Davlat grantlari va to‘lov-kontrakt asosida o‘qitishning ishlab chiqarishdan ajralgan holdagi shaklida ta’lim olayotgan talabalar O‘zbekiston Respublikasi Vazirlar Mahkamasi tomonidan belgilangan tartib va miqdorda stipendiya bilan ta’minlanadilar.
Talabalar tegishli normativ-huquqiy hujjatlarga asosan O‘zbekiston Respublikasi Prezidentining Davlat stipendiyasi va nomli stipendiyalarni olish huquqiga egadirlar.
3.4. Fakultet talabalar turar joyiga muhtoj talabalarni, oliy ta’lim muassasasining talabalar turar joylaridan sanitariya-gigiena me’yorlari va qoidalariga javob beradigan joy bilan ta’minlashda ko‘maklashadi.
3.5. Fakultetning talabalari o‘qishdan bo‘sh vaqtlarida o‘rnatilgan tartibda mehnat faoliyati bilan shug‘ullanish huquqiga ega.
3.6. Fakultet talabalari safidan chiqarilgan talaba O‘zbekiston Respublikasi Vazirlar Mahkamasi tomonidan belgilangan talablar asosida o‘qishini ko‘chirish, qayta tiklash va o‘qishdan chetlashtirish tartibi hamda qoidalari asosida qayta o‘qishga tiklanishi mumkin.
Oliy ta’lim muassasasidan ma’muriyatning tashabbusi bilan chetlashtirilgan shaxslarni, barcha o‘quv shakllari bo‘yicha talabalar safiga qayta tiklash to‘lov-kontrakt asosida amalga oshiriladi.
Universitetning talabalari qonunda belgilangan tartib va qoidalar asosida o‘qishini ko‘chirish (o‘qishga qayta tiklanish) huquqiga ega.
3.7. Universitet talabalari oliy ta’limning davlat ta’lim standartlari, malaka talablari, o‘quv rejalari va dasturlarida nazarda tutilgan bilimlarni egallashlari, topshiriqlarning barcha turlarini belgilangan muddatda bajarishlari zarur hamda universitetning Ustaviga, Ichki tartib va odob-axloq qoidalari, talabalar turar joylarida yashash qoidalariga rioya etishlari shart.
O‘zbekiston Respublikasi Hukumati qarorlarida nazarda tutilgan hollardan tashqari, talabalarni o‘qish vaqti hisobidan ta’lim jarayoni bilan bog‘liq bo‘lmagan ishlarga jalb etish man etiladi.
3.8. Universitetning Ichki tartib va odob-axloq qoidalari hamda talabalar turar joylarida yashash qoidalarida nazarda tutilgan majburiyatlarni buzgan taqdirda talabaga nisbatan rektorning buyrug‘i asosida quyidagi intizomiy jazo choralari ko‘riladi:
a) hayfsan
b) talabalar safidan chetlatish.
Talaba universitetdan quyidagi hollarda chetlashtirilishi mumkin:
a) o‘z xohishiga binoan;
b) o‘qishini boshqa ta’lim muassasasiga ko‘chirilishi munosabati bilan;
v) salomatligi tufayli (tibbiy komissiya ma’lumotnomasi asosida);
d) o‘quv intizomini va oliy ta’lim muassasasining ichki tartib- qoidalarini buzganligi uchun;
ye) bir semestr davomida uzrli sabablarsiz 74 soatdan ortiq dars qoldirganligi sababli;
j) o‘qish uchun belgilangan to‘lovni o‘z vaqtida amalga oshirilmaganligi sababli;
z) talaba sud tomonidan ozodlikdan mahrum etilganligi munosabati bilan;
i) vafot etganligi sababli.
Talaba universitetdan quyidagi hollarda kursdan-kursga qoldirilishi mumkin:
a) fanlarni o‘zlashtira olmaganligi (akademik qarzdorligi) uchun.
Harbiy xizmatni o‘tash, salomatligini tiklash, homiladorlik va tug‘ish, shuningdek, bolalarni parvarish qilish ta’tillari davrida talabaga vazirlik tomonidan tasdiqlangan tartib qoida asosida akademik ta’til berilishi mumkin.
Universitet ma’muriyatining tashabbusi bilan (“d”, “e”, “j”-bandlar) talabalarni o‘qishdan chetlashtirish talabalar kasaba uyushmasining yozma roziligini inobatga olgan holda (kasaba uyushmasi a’zosi bo‘lgan talabalar uchun) amalga oshiriladi. Shuningdek, talaba (“d”,“e”,“j”-bandlarga ko‘ra) o‘qishdan chetlashtirilayotgan holda, universitetning "Yoshlar" ittifoqi tashkiloti bilan ham kelishilishi mumkin.
Intizomiy jazoga tortilayotgan talaba o‘ziga qo‘llanilgan jazo chorasining noqonuniyligi va adolatsizligi yuzasidan qonun hujjatlarida belgilangan tartibda universitet rektori, vazirlik yoki sudga murojaat etishi mumkin.
Talaba universitetdan chetlashtirilganda, unga shaxsiy hujjatlari, belgilangan shakldagi akademik ma’lumotnoma topshiriladi va ularning nusxasi shaxsiy yig‘ma jildida saqlanadi.
Intizomiy jazo choralari talabalarning kasallik yoki ta’tilda bo‘lgan vaqti hisobga olinmagan holda xatti-harakat aniqlangandan so‘ng bir oydan va xatti-harakat sodir etilganidan so‘ng olti oydan kechiktirilmay qo‘llaniladi. Talabalar kasallik paytida, akademik ta’til yoki homiladorlik va tug‘ish holati bilan bog‘liq bo‘lgan ta’til paytlarida talabalarga intizomiy jazo choralarini qo‘llash man etiladi.
Talaba kasalligi tufayli o‘quv jarayoniga qatnashmayotganligi haqida o‘zi yoki ota-onasi tomonidan bir hafta muddatda dekanatga yozma ravishda ma’lum qilinadi.
3.9. Fakultetning professor-o‘qituvchilari va ilmiy xodimlari quyidagi huquqlarga ega:
a) belgilangan tartibda universitet va fakultet Kengashlariga saylash va saylanish;
b) oliy ta’lim muassasasining faoliyatiga taalluqli masalalarni muhokama qilishda ishtirok etish;
v) oliy ta’lim muassasasining axborot-resurs markazi, o‘quv va ilmiy bo‘linmalarning xizmatlaridan, shuningdek, ijtimoiy-maishiy, tibbiy va boshqa bo‘limlar xizmatidan jamoa shartnomasiga muvofiq foydalanish;
g) o‘qitishning uslub va vositalarini tanlash, o‘quv va ilmiy jarayonning yuqori sifatini ta’minlovchi ilmiy-tadqiqot ishlarini amalga oshirish;
d) oliy ta’lim muassasasi ma’muriyatining buyruq va farmoyishlari yuzasidan qonunchilikda belgilangan tartibda murojaat qilish;
ye) qonunchilikda belgilangan tartibda vakant professor-o‘qituvchi lavozimlariga e’lon qilingan tanlovlarda qatnashish;
j) o‘zlari ishlayotgan kafedra, fakultetdan tashqari boshqa fakultet, kafedra, tashkilotlarda o‘rindoshlik asosida ishlash (asosiy ish joyi bilan kelishilgan holda);
z) xorijiy hamkasblarning sohaga doir ilmiy va o‘quv-uslubiy adabiyotlari bilan tanishish va ular bilan fikr almashish;
i) o‘z fani bo‘yicha sifatli darsliklar va o‘quv qo‘llanmalar tayyorlash;
y) nazariy bilimlarini amaliy tajribasini, ilmiy-tadqiqot olib borish uslubini, pedagogik mahoratini takomillashtirib borish;
k) talabalarning ilmiy-tadqiqot ishlariga rahbarlik qilish;
l) grantlar, ilmiy loyihalar, xo‘jalik shartnomalarida ishtirok etish;
m) O‘zbekiston Respublikasining ta’lim sohasiga oid qonunchiligida belgilangan boshqa huquqlardan foydalanish.
3.10. Fakultetning professor-o‘qituvchilari va ilmiy xodimlarining majburiyatlari quyidagilardan iborat:
- ta’lim to‘g‘risidagi qonunchilik, mehnat intizomi, universitetning Ustavi, Ichki tartib va odob-axloq qoidalariga qat’iy rioya qilish, o‘zlarining xizmat vazifalarini vijdonan bajarish va o‘qituvchilik sha’niga dog‘ tushirmaslik;
- ish jarayonida muloqat qiladigan universitet xodimlari, talabalari va boshqa shaxslar bilan xushfe’l munosabatda bo‘lish;
- ish beruvchining qonuniy farmoyishlarini, har yili tasdiqlanadigan shaxsiy ish rejaning o‘quv-uslubiy, ilmiy va ma’naviy-ma’rifiy ishlarini o‘z vaqtida va sifatli bajarish;
- darslik, o‘quv qo‘llanma va boshqa o‘quv adabiyotlari, ilmiy maqolalar, monografiyalar yozish;
- tarbiyaviy ishlarni olib borish, talabalar bilan ma’naviy- ma’rifiy ishlarda, shu jumladan, darsdan tashqari vaqtlarda o‘tkaziladigan tadbirlarda bevosita ishtirok etish;
- kafedraning tasdiqlangan ilmiy-amaliy, ilmiy-pedagogik anjumanlarida ishtirok etish;
- o‘z malakasini muntazam ravishda oshirib borish;
- akademik litsey va kasb-hunar kollejlari uchun hamkorlikda yangi avlod o‘quv adabiyotlari, o‘quv-uslubiy majmualar yaratishda ishtirok etish;
- akademik litsey va kasb-hunar kollejlarida ochiq va muammoli mashg‘ulotlar hamda “master klass”lar o‘tkazish;
- o‘rta maxsus, kasb-hunar ta’limi tizimi muassasalarida o‘tkaziladigan ma’naviy-ma’rifiy tadbirlarda ishtirok etish;
- o‘rta maxsus, kasb-hunar ta’limi tizimi muassasalarida zamonaviy axborot-kommunikatsiya hamda pedagogik texnologiyalar asosida ta’lim sifatini oshirishga doimiy ravishda ko‘maklashish;
- mehnatni muhofaza qilish, texnika xavfsizligi va ishlab chiqarish sanitariya va gigienasi qoidalariga rioya qilish;
- universitet va fakultetning mol-mulkini avaylash, undan oqilona foydalanish;
- ish beruvchiga bevosita yetkazilgan moddiy zararni o‘rnatilgan tartibda qoplash;
- universitetning jamoatchilik ishlarida qatnashish;
- pedagogik va ilmiy jarayonning samaradorligini ta’minlash;
- ta’lim oluvchilarning tanlagan yo‘nalishi (mutaxassisligi) bo‘yicha yuksak kasbiy tayyorgarligini va mehnatga bo‘lgan qobiliyatni shakllantirish;
- chet tillari va axborot-kommunikatsiya texnologiyalaridan bilim darajasini muntazam oshirib borish;
- ta’lim oluvchilarda mustaqil fikrlash, tashabbuskorlik, ijodiy qobiliyatini shakllantirish;
- universitetda “Ustoz-shogird” tizimida ishtirok etib, o‘ziga biriktirilgan shogirdlar bilan pedagogik, ilmiy-pedagogik, ma’naviy-ma’rifiy va tarbiyaviy ishlarni amalga oshirish;
- o‘zining odobi, madaniyati, ma’naviy saviyasi bilan o‘rnak bo‘lish;
- kiyinish madaniyatiga rioya etish;
- respublikada amalga oshirilayotgan keng ko‘lamdagi ilmiy- iqtisodiy islohotlar va jahonda ro‘y berayotgan yangiliklardan xabardor bo‘lish;
- universitet, fakulьtet, kafedra tomonidan tashkil etiladigan madaniy, ma’naviy, ma’rifiy tadbirlarda faol ishtirok etish;
- o‘zi o‘qitadigan fan dasturini muntazam fan va texnika yutuqlari asosida boyitib borish;
- o‘quv mashg‘ulotlarini yuqori saviyada tashkil etish va o‘tish;
- fan yo‘nalishiga tegishli yangi manbalarni topish va ular bilan talabalarni tanishtirib borish;
- har o‘quv yili boshlangunga qadar o‘zi mashg‘ulot olib boradigan fan(lar)ning ishchi o‘quv dasturi, kalendarь rejasini ishlab chiqish va kafedra majlisida tasdiqlash;
- reyting nazoratlarini o‘z vaqtida o‘tkazish;
- talabalar bilimini xolisona baholash;
- yangi pedagogik texnologiyalarni dars jarayonida qo‘llash;
- o‘zining ilmiy salohiyati va pedagogik mahoratini oshirish;
- talabalar ilmiy-tadqiqot ishlariga rahbarlik qilish;
- xo‘jalik shartnomalari asosida ilmiy-tadqiqot ishlarini bajarish;
- oliy ta’lim tizimida amalga oshirilayotgan islohotlarda faol qatnashish.
3.11. Fakultet xodimlarining chet el xizmat safarlari vazirlik tomonidan tasdiqlangan “O‘zbekiston Respublikasi oliy ta’lim muassasalaridan xorijiy safarlarga borish tartibi to‘g‘risida”gi muvaqqat Yo‘riqnoma asosida amalga oshiriladi.
3.12. Fakultet xodimlarining huquq va majburiyatlari universitetning Nizomi, Ichki tartib va odob-axloq qoidalari hamda lavozim yo‘riqnomalari bilan belgilanadi.

IV.O‘quv, o‘quv-metodik, ilmiy-tadqiqot ishlari va pedagogik kadrlar tayyorlash

4.1. Fakultetda ta’lim jarayoni tayanch oliy ta’lim muassasasi tomonidan ishlab chiqiladigan va o‘rnatilgan tartibda tasdiqlanadigan o‘quv rejalari va dasturlari asosida universitet rektori tomonidan tasdiqlangan yillik o‘quv jarayoni hamda mashg‘ulotlar jadvali bilan tartibga solinadi.
Ta’lim jarayonini maqsadli yo‘naltirish yo‘li bilan tashkil etish, ya’ni ta’lim shakllari, uslub va vositalarni tanlash yo‘li bilan universitet talabalariga oliy ta’limning asosiy kasbiy ta’lim dasturlarini o‘zlashtirish uchun zaruriy sharoitlar yaratib berilishi lozim.
Ta’lim va tarbiyaning birligi Oliy ta’limning davlat ta’lim standartlari, malaka talablari, o‘quv reja va dasturlaria sosida ta’minlanadi.
4.2. Fakultetda o‘quv mashg‘ulotlarining quyidagi asosiy turlari belgilangan: ma’ruza, amaliy, laboratoriya, seminar, kurs ishi, malakaviy amaliyot, bitiruv malakaviy ishi.
Auditoriya mashg‘ulotlarining barcha turlari uchun 80 daqiqalik akademik soat belgilangan. O‘quv mashg‘ulotlari orasidagi tanaffus kamida 10 daqiqa bo‘ladi.
Ta’lim va tarbiya olib boriladigan tillar: o‘zbek, rus va qozoq tillari hisoblanadi.
4.3. Fakultetda kadrlarni tayyorlash ishlab chiqarishdan ajralgan holda olib boriladi.
4.4. Fakultetda o‘quv yili ikki semestrga bo‘linadi va uning har birida talabalarning o‘zlashtirishi reyting nazorati shaklida olib boriladi.
O‘zlashtiruvchi talabalarni kursdan kursga o‘tkazish fakultet dekanining tavsiyasi asosida rektor buyrug‘i bilan amalga oshiriladi. Talabalarni kursdan kursga shartli o‘tkazish mumkin emas.
Oliy ta’limning ta’lim dasturlarini o‘zlashtirish Oliy va o‘rta maxsus ta’lim vazirligi tomonidan tasdiqlangan va Adliya vazirligida davlat ro‘yxatidan o‘tkazilgan “Oliy ta’lim muassasalari talabalari bilimini nazorat qilish va baholashning reyting tizimi to‘g‘risida Nizom”ga muvofiq tartibga solinadi hamda “O‘zbekiston Respublikasi oliy ta’lim muassasalari bitiruvchilarining yakuniy davlat attestatsiyasi to‘g‘risida”gi Nizomga muvofiq bitiruvchilarning yakuniy davlat attestatsiyasi natijalari asosida tugallanadi.
4.5. Universitetda ilg‘or pedagogik va axborot-texnologiyalari, ta’limni individuallashtirish va mustaqil ta’lim olish vositalarini, modul tizimi hamda masofaviy ta’lim berishni qo‘llash hisobiga mutaxassislar tayyorlash sifatini oshirishga yo‘naltirilgan ilmiy-uslubiy ishlar amalga oshiriladi.
V. Yakuniy qoidalar
5.1 Fakultet universitet qonunchiligida belgilangan tartibda quyidagilarga javob beradi:
- uning vakolatiga kiritilgan vazifalarni bajarilishiga;
- ta’lim jarayonida o‘quv reja va jadvallarga muvofiq ta’lim dasturlari hajmini to‘liq bajarilishiga;
- ta’lim jarayoni vaqtida fakultetda ta’lim oluvchilar va xodimlarining hayoti va sog‘lig‘iga;
- ta’lim oluvchilar va fakultet xodimlarining huquq va erkinliklarining buzilganligida;
- O‘zbekiston Respublikasining qonunchiligida nazarda tutilgan boshqa xatti-harakatlarga.
5.2.Fakultetning Nizomiga o‘zgartirish yoki qo‘shimchalar kiritish universitet rektor buyrug‘i asosida amalga oshiriladi.
5.3. Ushbu Nizom fakulьtetning 2017 yil ___-____dagi __-sonli Kengashi yig‘ilishi tomonidan qabul qilingan.




Chet tillar fakultetning asosiy vazifalari:
-zamon talablariga mos raqobatbardosh kadrlarni tayyorlash;
-ilmiy tadqiqotchilik va ilmiy pedagogik kadrlar tayyorlash.
Fakultetning asosiy vazifasi – zamonaviy talablarga javob beradigan, yetuk va har tomonlama rivojlangan pedagog-lingvist kadrlarni tayyorlashdir. Fakultet tashkil etilganidan bugungi kunga qadar nafaqat bakalavrlar, balki magistr tayyorlash ishlari olib borilmoqda.

Chet tillar fakulteti 5111400– Xorijiy til va adabiyoti, 5111300-Rus tili va adabiyoti, 5111300-Rus tili va adabiyoti (o`zga tilli guruhlarda), 5111300-Rus tili va adabiyoti (koreys tili), 5111400– Xorijiy til va adabiyoti (Olmon tili) yo‘nalishi bo‘yicha bakalavriat hamda magistr mutaxassis kadrlarni tayyorlaydi Oliy va o‘rta maxsus ta’lim vazirligining qarori bilan tasdiqlangan Davlat ta’lim standarti, namunaviy o‘quv reja, namunaviy o‘quv dasturlari va Nizomiy nomidagi TDPU o‘quv-uslubiy kengashi tomonidan tasdiqlangan ishchi dasturlari bilan to‘liq ta’minlangan. Fakultetimizda umumiy 916 nafar talaba ta`lim oladi. Ulardan “Ingliz tili va adabiyoti” bo`yicha 507 nafar talaba, “Nemis tili va adabiyoti” bo`yicha 5 nafar talaba, “Koreys tli va adabiyoti” bo`yicha 61 nafar talaba, “Rus tili va adabiyoti” bo`yicha 150 nafar talaba, “Rus tili va adabiyoti (o`zga tilli guruhlarda)” bo`yicha 192 nafar talaba ta’lim olmoqda.

Sentabr
Ilmiy-nazariy seminarni “Ingliz tili nazariyasi va o‘qitish metodikasi” kafedrasining professori J.J.Jalolov va dotsenti G.T.Maxkamovalar ma’ruza bilan so`zga chiqdi. Mavzu nomi: “Ilmiy maqola yozish xususiyatlari”. Ilmiy-nazariy seminarda kafedraning barcha professor-o‘qituvchilari, kafedra magistrlari va doktorantlari faol qatnashdi. Ma’ruza to‘liq va qiziqarli taqdimot yordamida o‘tkazildi. Ma’ruza davomida dos.G.T.Maxkamova impakt faktorga ega bo‘lgan Scopus jurnallarida maqolani chop etish shartlari va talablari bilan tanishtirdi va maqolani yozilish qoidalari haqida gapirdi.
Professor J.J.Jalolov ilmiy maqola yozilishi va yozilganda qaysi xususiyatlarga e’tibor qaratishni eslatib o`tdi.
Ma’ruza davomida Scopus, ipakt faktor, Xarish indeksi tushunchalariga ta’rif berildi, ingliz tili o‘qitishga tegishli Language Science, English in Education, Across language and Cultures, Teacher and teacher education va shu qatori jurnallari bilan tanishtirildi.
Maqola strukturasi, foydalanilgan metodlar, material yig‘ish metodlari, mavzu va muammo kabi tushunchalarni inobatga olishni ahamiyati aytib o‘tildi.
Doklad yakunida professor-o‘qituvchilar bilan savol-javob qilindi (maqola yozilishda nimaga ahamiyat berish kerak, mavjud maqolani qanday qilib talablarga mos keltirish, jurnalni tanlash kriteriylari kabi savollar berildi) va ma’ruzachini ma’ruzasi haqida tinglovchilar tomonidan o‘zaro ijobiy fikr bildirildi.
Keyingi ilmiy-nazariy seminarni “Ingliz tili nazariyasi va o‘qitish metodikasi” kafedrasining professori J.J.Jalolov o‘tkazdi. Mavzu nomi: “Ingliz tilda approksimatsiya hodisasi”. Ilmiy-nazariy seminarda kafedraning barcha professor-o‘qituvchilari, hamda “Ingliz tili amaliy kursi”, “Rus tili”, “Rus tili va o`qitish metodikasi” kafedra professor-o‘qituvchilari, magistrlari va doktorantlari faol qatnashdi.
Ma’ruza to‘liq va qiziqarli taqdimot yordamida o‘tkazildi. Ma’ruza davomida prof.J.J.Jalolov masalani tarixi bilan tanishtirdi, mavzu doirasida asosiy tushunchalar haqida gapirdi.
Ma’ruzada X.Palmer, M.Vest, I.Berman, A.Raxmanov, V.Seytlin, Buxbinder, Gugenxaym, Shubin, Chevorushkin kabi mutaxassislarni masala ustida qilgan izlanishlari haqida so‘z yuritdi.
Ma’ruza davomida kognizant – chet tilda bilim oluvchi, tallafuzda approksimatsiya undoshlarni oppozitsiyasi, minimal va maksimal oppozitsiya, gapirishda approksimatsiya, chet tilni o‘rganishda intuitsiya va onglilik terminlarga izoh berildi.
Undan tashqari tarjimada approksimatsiya, maqola yozishda approksimatsiya borligi haqida ma’lumot berildi.
Doklad yakunida professor-o‘qituvchilar bilan savol-javob qilindi va ma’ruzachini ma’ruzasi haqida tinglovchilar tomonidan o‘zaro ijobiy fikr bildirildi.
Keyingi ilmiy-nazariy seminarni “Ingliz tili nazariyasi va o‘qitish metodikasi” kafedrasining Fulbrayt dasturi qatnashchisi AQShning Braun universitetidan kelgan volonter o‘qituvchi J.Uoller tomonidan “The main differences between British and American English (vocabulary, grammar, pronunciation)” mavzusi doirasida seminar o‘tkazdi. Ilmiy-nazariy seminarda kafedraning barcha professor-o‘qituvchilari, hamda “Ingliz tili amaliy kursi” magistrlari, talabalari va doktorantlari faol qatnashdi.
Ma’ruzachi muammoni ham amaliy, ham nazariy taraflarini aks ettirgan, va keng auditoriya uchun foydaali ma’lumotlarni qamrab oldi.
Ma’ruza to‘liq va qiziqarli taqdimot yordamida o‘tkazildi. Ma’ruza davomida J.Uoller masalani asosiy muammolari bilan tanishtirdi. va inglizzabon mamlakatlarning talaffuzida, lug‘atida mavjun farqlarni ko`rsatib berdi.
Oktabr
Ilmiy-nazariy seminarni “Ingliz tili nazariyasi va o‘qitish metodikasi” kafedrasining o‘qituvchisi va fakultet dekani A.M.Mamadaliyev ma’ruza bilan chiqdi. Mavzu nomi: “Cultural peculiarities of Great Britain”. Ilmiy-nazariy seminarda kafedraning barcha professor-o‘qituvchilari, hamda “Ingliz tili amaliy kursi” magistrlari, talabalari va doktorantlari faol qatnashdi.
Ma’ruza to‘liq va qiziqarli taqdimot yordamida o‘tkazildi. Ma’ruza davomida A.M.Mamadaliyev Buyuk Britaniyaga tashrif buyurganida va u еrda ishlab, oilada yashaganida olgan taasurot va tajribalari haqida gapirdi.
Ma’ruzachi tashrif buyurgan mamlakatni urf odatlari, bayramlari, oilada munosabatlari, ovqatlanish odobi, ishga munosabati, bolalar tarbiyasi, dam olishlari haqida ma’lumot berdi va tinglovchilarni qiziqtirdi.
Ilmiy-innovatsion ishlar
2018-yilda ITNM kafedra professor-o‘qituvchilari tomonidan bir qator ilmiy ishlar chop etildi:
- dos. G.Maxkamova tomonidan “Projecting education-methodological complexes in MA department” nomli o‘quv qo‘llanma chop etdi;
- Z.R.Abdujabbarova 30-mart 2018-yil “Zamonaviy uzluksiz ta’lim muammolari: innovatsiya va istiqbollari” respublika konferensiyada to`plamiga taqrizchi bo`lgan va “Ways of reading like intensive and extensive thatb power language learning” nomli,
- B.Xakimova tomonidan “Первые Айтматовские чтения” respublika konferensiyasida “Using electronic resources in teaching English” mavzusida,
- B.Bobojonov tomonidan “Foreign language teaching and applied linguistics” nomli konferensiyada “Die verwendung der landeskundevermittlung im daf-unterricht” nomli tezislar chop etishdi.