Boshlang`ich ta`lim va jismoniy madaniyat

Fakultet Nizomiy nomidagi Toshkent davlat pedagogika institutida 1935 yilda “Pedagogika” nomi bilan tashkil etilgan. 1957 yildan “Pedagogika” fakulteti boshlang‘ich sinf о‘qituvchilarini tayyorlay boshladi.

Boshlang`ich ta`lim va jismoniy madaniyat fakulteti Nizomiy nomidagi Toshkent davlat pedagogika instituti tarkibida 1935 yilda “Pedagogika” fakulteti sifatida tashkil etilgan. 1957-yildan “Pedagogika” fakultetida boshlang‘ich sinf о‘qituvchilari tayyorlana boshlandi. 1975 yilda fakultet “Pedagogika va boshlang‘ich ta’lim metodikasi” deb nomlandi. 1999 yildan 2008 yilga qadar fakultet “Boshlang‘ich ta’lim va defektologiya” fakulteti deb atalgan. 2008-2009 о‘quv yilida fakultet “Boshlang‘ich ta’lim” fakulteti va “Defektologiya” fakulteti nomi bilan ikkiga ajratildi. 2012-2013 o‘quv yilining ikkinchi yarmidan boshlab Boshlang‘ich ta’lim fakultetiga jismoniy madaniyat yo‘nalishi ham qo‘shildi.

Akramov Abdumalik Abdumatalovich

Pedagogika fanlari doktori

Boshlang'ich ta'lim va Jismoniy madaniyat fakulteti dekani. 1975 yilda Namangan viloyatida tug'ilgan. 1999 yilda Nizomiy nomidagi TDPUning Tarix fakultetini tarix-huquqshunoslik o'qituvchisi mutaxassisligi bo'yicha bitirgan. Pedagogika fanlari doktori.

+99871 2767539
akromov.a@tdpu.uz

Abdullayev Komiljon Risqulov

Boshlang‘ich ta’lim va jismoniy madaniyat fakulteti

Dekan muovini

Dekan muovini


Sailmurodov Shoxid

Boshlang‘ich ta’lim va jismoniy madaniyat fakulteti

Dekan muovini

Dekan muovini


Boshlang‘ich ta’lim va jismoniy madaniyat fakulteti 1935 yilda Toshkent davlat pedagogika instituti tarkibida pedagogika fakulteti nomi bilan faoliyat yurita boshlagan.
Pedagogika fakultetida dastlabki yillarda maktablar uchun pedagogika va psixologiya o‘qituvchilari, shuningdek, xalq ta’limi tizimi uchun inspektorlar, metodistlar, maktabgacha tarbiya muassasalarining tarbiyachilarini yetishtirib borish vazifasi yuklatilgan.
Fakultetga dastlab taniqli psixolog, o‘quv tarbiya jarayonining mohir tashkilotchisi Platon Ivanovich Ivanov rahbarlik qilgan. U davrda fakultetda bitta “Pedagogika va psixologiya” kafedrasi mavjud bo‘lgan va kafedrada taniqli olimlardan professor K.Bendrikov, dotsentlar V.Lubensov, V.Morozov, K.Radaev, Sh.Boyturova, N.Konstantinovalar ta’lim-tarbiya jarayonini olib borganlar.
1941 yilda fakultetda “Psixologiya” kafedrasi tashkil etilgan. 1951 yilning oktyabr oyidan “Maktabgacha tarbiya” kafedrasi tashkil etilgan. 1957 yildan boshlab esa xalq ta’limi tizimi uchun boshlang‘ich sinf o‘qituvchilari tayyorlana boshlandi. 1958 yilda boshlang‘ich sinf o‘qituvchilarini tayyorlash sifatini yanada yaxshilash maqsadida fakultetda “Boshlang‘ich ta’lim pedagogikasi” kafedrasi tashkil etildi. Bu kafedrani turli yillar davomida N.Zubairova, I.Xusanxodjaev, O.To‘raeva, M.Umarov, A. Azizova, K. Qosimovalar boshqarib keldilar.
Fakultet 1975-1983 yillarda “Boshlang‘ich ta’lim va defektologiya” fakulteti nomi bilan yuritila boshladi. Shu yillarda fakultetda pedagogika fanlari doktori professor R.Mavlonova dekan lavozimida faoliyat olib borgan.
1983-1990 yillarda esa fakultet “Pedagogika va boshlang‘ich ta’lim metodikasi” fakulteti nomi bilan faoliyat olib borgan. Bu davrda fakultetga dotsent S.Nurmatov(1984-1985 yillar), falsafa fanlari nomzodi, dotsent S.Valieva (1986-1994), pedagogika fanlari nomzodi, dotsent R.Qobilov (1994-1998 yillar), pedagogika fanlari nomzodi, professor L.Mo‘minova (1998-1999 yillar), 2000-2006 yillarda pedagogika fanlari doktori, professor M.Xaydarov, 2006-2007 yillarda dotsent L.Nurmuxammedovalar fakultet dekani sifatida faoliyat olib bordilar.
2007 yilda fakultet negizida “Boshlang‘ich ta’lim” va “Defektologiya” fakultetlari tashkil etildi va “Boshlang‘ich ta’lim” fakultet dekani sifatida filologiya fanlari nomzodi, dotsent D. Shodmonqulova faoliyat yuritdi (2007-2014).
2013 yildan boshlab fakultet Boshlang‘ich ta’lim va jismoniy madaniyat fakulteti sifatida qayta tashkil etildi. Fakultetga 2014- 2016 yillarda pedagogika fanlari doktori, professor B. Abdullaeva, 2016-2017 yillarda pedagogika fanlari nomzodi, dotsent A.Sadikovalar rahbarlik qildilar.
2016-2017 o‘quv yilidan boshlab “Musiqa ta’limi” ta’lim yo‘nalishi fakultet tarkibiga kiritildi va 2017 yil 29 noyabrdan boshlab pedagogika fanlari doktori A. Akramov dekan lavozimiga tayinlandi.
Hozirgi kunda Boshlang‘ich ta’lim va jismoniy madaniyat fakultetida bo‘lajak boshlang‘ich sinf, jismoniy tarbiya, musiqa o‘qituvchilarini innovatsion faoliyatga tayyorlash bo‘yicha ko‘pgina ishlar olib borilmoqda.
Fakultetda o‘zbek, rus va qozoq tillari bo‘yicha “5111700 – Boshlang‘ich ta’lim va sport-tarbiyaviy ish”, “5111100 – Musiqa ta’limi”, “5112000 – Jismoniy madaniyat” bakalavriat ta’lim yo‘nalishlari bo‘yicha hamda “5A111701 – O‘quv-tarbiya nazariyasi va metodikasi (boshlang‘ich ta’lim)”, “5A112001 – Jismoniy tarbiya va sport mashg‘ulotlari nazariyasi va metodikasi” magistratura mutaxassisliklari bo‘yicha pedagog kadrlar tayyorlab kelinmoqda.
2017-2018 o‘quv yilida Boshlang‘ich ta’lim va sport tarbiyaviy ish, jismoniy madaniyat, musiqiy ta’lim yo‘nalishlarida o‘qiydigan 684 nafar talabalar bilan o‘quv mashg‘ulotlari olib borildi.
Fakultetda yuqori malakali pedagoglarni tayyorlashda, “Boshlang‘ich ta’lim metodikasi”, “Jismoniy madaniyat”, “Musiqa ta’limi” kafedralarida 60 dan ortiq professor-o‘qituvchi faoliyat ko‘rsatmoqda.
Ulardan 4 nafari fan doktori, professor; 30 nafari fan nomzodi, dotsentlar; shuningdek, 25 dan ziyod katta o‘qituvchi va o‘qituvchilar hisoblanadi. Bugungi kunda fakultet professor-o‘qituvchilarining ilmiy salohiyati 57 foizni tashkil etmoqda.
Boshlang‘ich ta’lim va jismoniy madaniyat fakultetida mehnat qilayotgan tajribali professor-o‘qituvchilar: D.Shodmonqulova, B.Abdullaeva, M.Hamroyev, A.Xalikov, M.Jumayev, X.Sanakulov, A.Sadikova, N.Voxidova, M.O‘razova, N.Xamedova, D.Abduraximova, Z.Artikbayeva, N.Muxiddinova, A.Nisanbayeva, D.Aytboyevlar boshlang‘ich ta’lim yo‘nalishi bo‘yicha, D.Karimova, Q.Panjiyev, Sh.Raximov, M.Ilxomov, D.Qodirovlar musiqiy ta’lim yo‘nalishi bo‘yicha, U.Rajapov, D.Yunusova, T.Achilov va boshqalar jismoniy madaniyat ta’lim yo‘nalishi bo‘yicha oliy ta’lim muassasalari, o‘rta maxsus kasb-hunar ta’limi tizimi va umumiy o‘rta maktablarida o‘qitiladigan fanlardan tayyorlangan ko‘pgina darslik va o‘quv qo‘llanmalarining mualliflaridir. Fakultetda talabalarning ta’lim olishlari uchun barcha shart-sharoitlar yaratilgan. Mashg‘ulotlar televizor, proektor, kompyuterlar bilan jihozlangan 29 ta o‘quv auditoriyalarida tashkil etilmoqda.
Shuningdek, fakultet qoshida “Yosh matematik”, “Jas tilshi”, “Mohir qo‘llar”, “Vokal ijrochiligi, Garmoniya” “Yosh musiqashunoslar”, “Kurash”, “Voleybol” va “Futbol” kabi bir necha nomdagi to‘garaklar faoliyat olib bomoqda. Ayniqsa, Musiqa ta’limi kafedrasida qoshida tashkil etilgan to‘garak va “Oltin meros” xalq ansamblida ishtirok etayotgan talabalar Germaniya Federativ Respublikasinig Frayburg universiteti, Xitoy Xalq Respublikasi, Ozarbayjon Respublikasi va O‘zbek-German do‘stlik jamiyati o‘tkazilayotgan tanlovlar, madaniy-ma’rifiy tadbirlarda faol ishtirok etishmoqda.
Fakultetni “Boshlang‘ich ta’lim va sport tarbiyaviy ish” ta’lim yo‘nalishi bakalavriaturasi bitiruvchisi R.Sadikov 2017-2018 o‘quv yilida Belarus davlat pedagogika universitetida magistraturasiga o‘qishga qabul qilindi.
“Musiqa ta’limi” ta’lim yo‘nalishi bakalavriaturasi bitiruvchisi N.Ishanxodjaev 2018-2019 o‘quv yilida Xitoyning Sian universiteti magistraturasiga o‘qishga qabul qilindi.
Bugungi kunda fakultetning bitiruvchilari respublikamizdagi va yaqin xorij mamlakatlaridagi umumiy o‘rta ta’lim tizimida samarali pedagogik faoliyat olib borishmoqda.

Низомий номидаги ТДПУ Бошланғич таълим ва жисмоний маданият факультети
НИЗОМИ

I.Умумий қоидалар
1.1. Бошланғич таълим ва жисмоний маданият факультетининг Низоми (кейинги ўринларда факультет Низоми) “Олий таълим муассасаси факультети тўғрисида”ги Низом, Oлий ва ўрта махсус таълим вазирлигининг 2011 йил 3 декабрдаги № 487 сонли буйруғи билан тасдиқланган. Олий ва ўрта махсус таълим вазирлигининг 2018 йил 23 декабрдаги Тошкент давлат педагогика университетининг янги таҳрирдаги Уставини тасдиқлаш ҳақидаги буйруғи ҳамда 2011 йил 487-сонли буйруғи асосида ва Низомий номидаги Тошкент давлат педагогика университети фаолиятини янада такомиллаштириш чора-тадбирлари тўғрисидаги Ўзбекистон Республикаси Вазирлар Маҳкамасининг 2016 йил 13 майдаги №153-сонли қарорига мувофиқ университет ташкилий тузилмасида қайта кўриб чиқилган ва тасдиқланган.
1.2. Ушбу Низом олий таълим муассасасида факультет фаолиятини ташкил этиш тартибини белгилайди.
Факультет - ОТМ тузилмасининг таркибий қисми бўлиб, унда бир ёки бир неча турдош фанлар бўйича ўқув, ўқув-услубий, илмий тадқиқот ишлари, шунингдек, илмий ва илмий-педагогик кадрлар тайёрлаш, малакасини ошириш ва қайта тайёрлаш ҳамда ташкилий, маънавий-маърифий ва тарбиявий ишларни амалга оширадиган энг асосий механизм.
1.3. Факультет ўз фаолиятида Ўзбекистон Республикасининг Конституцияси, Ўзбекистон Республикаси Президентининг фармонлари, қарорлари ва фармойишлари, Вазирлар Маҳкамасининг қарорлари ва фармойишлари, “Таълим тўғрисида”ги Қонуни, Кадрлар тайёрлаш миллий дастури, Ўзбекистон Республикаси Меҳнат Кодексига, Олий ва ўрта махсус таълим вазирлигининг норматив-ҳуқуқий ҳужжатлари ва кўрсатмалари, шунингдек университетнинг ички тартиб ва одоб-аҳлоқ қоидалари, жамоа шартномаси ҳамда мазкур Низомга амал қилади.
1.2. Факультет таркибида “Бошланғич таълим методикаси”, “Мусиқий таълим” ва “Жисмоний маданият” кафедралари фаолият юритади.
1.3. Факультетда 3 та таълим йўналиш бўйича талабалар таҳсил олишади. Булар “Бошланғич таълим ва спорт тарбиявий иш”, “Мусиқий таълим”, “Жисмоний маданият” таълим йўналишларидир.
1.4. Факультет ўзига хос мол-мулкка эга ва ушбу мол-мулк бўйича ўз мажбуриятларига мувофиқ жавоб беради.
1.5. Факультет жойлашган юридик манзили: 100070, Тошкент шаҳри, Чилонзор тумани, Бунёдкор кўчаси 27-уй, 3 ўқув биноси.

II. Факультетнинг асосий вазифалари ва фаолият йўналишлари
- республикада узлуксиз таълим тизими учун юқори малакали педагогик кадрларни халқаро стандартлар даражасида сифатли тайёрлаш;
- тегишли педагогик таълим йўналишлар ва мутахассисликлар бўйича давлат таълим стандартларини, ўқув режалари ва дастурларини, илмий-методик адабиётларни ишлаб чиқишда иштирок этиш, хамкорлик асосида ривожланган хорижий таълим муассасаларининг тажрибасини ҳисобга олган ҳолда илғор педагогика технологияларини синовдан ўтказиш ва жорий этишга таклиф киритиш;
- идоравий буйсунишидан қатъий назар республикада педагог, муҳандис-педагог ва илмий-педагог кадрлар тайёрлайдиган илмий-педагогик ҳар томонлама етук, рақобатдошли мутахассислар бўлиб етишишларига мўлжалланган комплекс маънавий-маърифий ишларни амалга ошириш;
- давлат таълим стандартлари, малака талаблари, ўқув режалари ва дастурлар, ўқув-методик адабиётларни ҳамда электрон-таълим ресурсларини яратиш ва такомиллаштиришда иштирок этиш;
- қўшма илмий лойиҳаларни амалга ошириш, илмий-таълим жараёнига етакчи хорижий мутахассисларни жалб этиш мақсадида хорижий олий таълим муассасалари ва илмий марказлар билан ҳамкорлик алоқаларини ривожлантиришда таклифлар бериш.

III. Ўқув-тарбиявий ва илмий-методик ишларнинг субъектлари, уларнинг ҳуқуқ ва мажбуриятлари
Талабалар:
3.1. Университет ректорининг буйруғи билан ўқишга қабул қилинган шахс мазкур университетнинг талабаси ҳисобланади. Талабага талабалик гувоҳномаси ҳамда рейтинг дафтарчаси бепул берилади.
3.2. Факультетнинг талабалари қуйидаги ҳуқуқларга эга:
- фан, техника, замонавий технологиялар ютуқларига мос келувчи билимлар олиш;
- университет ахборот ресурс марказида мавжуд бўлган адабиётлар, даврий нашрлар, электрон таълим ресурсларидан белгиланган тартибда бепул фойдаланиш;
- бепул маслаҳатлар ва йўл-йўриқлар олиш;
- аудиториялар, таълим жараёнига оид ўқув техник воситалардан ўрнатилган тартибда бепул фойдаланиш;
- таълим жараёни самарадорлиги ва таълим сифатини ошириш юзасидан ўз таклиф-мулоҳазаларини, танқидий фикрларини белгиланган тартибда таълим муассасаси, деканат ва кафедра раҳбариятига билдириш ҳамда уларни кўриб чиқилишини талаб қилиш;
- университет ва факультет миқёсида ўтказиладиган маънавий-маърифий ва спорт тадбирларида иштирок этиш;
- илмий тадқиқот ишларида ва илмий конференцияларда ўрнатилган тартибда фаол қатнашиш;
- университетда қонуний равишда фаолият юритаётган жамоат бирлашмаларига аъзо бўлиш;
- ўқишдан ташқари вақтларда факультет маънавий-маърифий, таъмирлаш, қурилиш, кўкаламзорлаштириш, қишлоқ хўжалик ва бошқа жамоат ҳамда қонунчиликка зид бўлмаган ишларда иштирок этиш.
Талаба сифатли ва юқори савияда билим олиши, танлаган ихтисослиги бўйича юқори малакали мутахассис бўлиб етишиш учун зарур бўлган қонун ҳужжатларига зид бўлмаган бошқа ҳуқуқлардан фойдаланишга ҳақлидир.
Талаба ўз ҳуқуқларини суистеъмол қилмаслиги, бу ҳуқуқлардан ўзга шахслар манфаатига зид мақсадларда фойдаланмаслиги шарт.
3.3. Давлат грантлари ва тўлов-контракт асосида ўқитишнинг ишлаб чиқаришдан ажралган ҳолдаги шаклида таълим олаётган талабалар Ўзбекистон Республикаси Вазирлар Маҳкамаси томонидан белгиланган тартиб ва миқдорда стипендия билан таъминланадилар.
Талабалар тегишли норматив-ҳуқуқий ҳужжатларга асосан Ўзбекистон Республикаси Президентининг Давлат стипендияси ва номли стипендияларни олиш ҳуқуқига эгадирлар.
3.4. Факультет талабалар турар жойига муҳтож талабаларни, олий таълим муассасасининг талабалар турар жойларидан санитария-гигиена меъёрлари ва қоидаларига жавоб берадиган жой билан таъминлашда кўмаклашади.
3.5. Факультетнинг талабалари ўқишдан бўш вақтларида ўрнатилган тартибда меҳнат фаолияти билан шуғулланиш ҳуқуқига эга.
3.6. Факультет талабалари сафидан чиқарилган талаба Ўзбекистон Республикаси Вазирлар Маҳкамаси томонидан белгиланган талаблар асосида ўқишини кўчириш, қайта тиклаш ва ўқишдан четлаштириш тартиби ҳамда қоидалари асосида қайта ўқишга тикланиши мумкин.
Олий таълим муассасасидан маъмуриятнинг ташаббуси билан четлаштирилган шахсларни, барча ўқув шакллари бўйича талабалар сафига қайта тиклаш тўлов-контракт асосида амалга оширилади.
Университетнинг талабалари қонунда белгиланган тартиб ва қоидалар асосида ўқишини кўчириш (ўқишга қайта тикланиш) ҳуқуқига эга.
3.7. Университет талабалари олий таълимнинг давлат таълим стандартлари, малака талаблари, ўқув режалари ва дастурларида назарда тутилган билимларни эгаллашлари, топшириқларнинг барча турларини белгиланган муддатда бажаришлари зарур ҳамда университетнинг Уставига, Ички тартиб ва одоб-аҳлоқ қоидалари, талабалар турар жойларида яшаш қоидаларига риоя этишлари шарт.
Ўзбекистон Республикаси Ҳукумати қарорларида назарда тутилган ҳоллардан ташқари, талабаларни ўқиш вақти ҳисобидан таълим жараёни билан боғлиқ бўлмаган ишларга жалб этиш ман этилади.
3.8. Университетнинг Ички тартиб ва одоб-аҳлоқ қоидалари ҳамда талабалар турар жойларида яшаш қоидаларида назарда тутилган мажбуриятларни бузган тақдирда талабага нисбатан ректорнинг буйруғи асосида қуйидаги интизомий жазо чоралари кўрилади:
а) ҳайфсан
б) талабалар сафидан четлатиш.
Талаба университетдан қуйидаги ҳолларда четлаштирилиши мумкин:
а) ўз хоҳишига биноан;
б) ўқишини бошқа таълим муассасасига кўчирилиши муносабати билан;
в) саломатлиги туфайли (тиббий комиссия маълумотномаси асосида);
д) ўқув интизомини ва олий таълим муассасасининг ички тартиб- қоидаларини бузганлиги учун;
е) бир семестр давомида узрли сабабларсиз 74 соатдан ортиқ дарс қолдирганлиги сабабли;
ж) ўқиш учун белгиланган тўловни ўз вақтида амалга оширилмаганлиги сабабли;
з) талаба суд томонидан озодликдан маҳрум этилганлиги муносабати билан;
и) вафот этганлиги сабабли.
Талаба университетдан қуйидаги ҳолларда курсдан-курсга қолдирилиши мумкин:
а) фанларни ўзлаштира олмаганлиги (академик қарздорлиги) учун.

Ҳарбий хизматни ўташ, саломатлигини тиклаш, ҳомиладорлик ва туғиш, шунингдек болаларни парвариш қилиш таътиллари даврида талабага вазирлик томонидан тасдиқланган тартиб-қоида асосида академик таътил берилиши мумкин.
Университет маъмуриятининг ташаббуси билан (“д”, “е”, “ж”-бандлар) талабаларни ўқишдан четлаштириш талабалар касаба уюшмасининг ёзма розилигини инобатга олган ҳолда (касаба уюшмаси аъзоси бўлган талабалар учун) амалга оширилади. Шунингдек, талаба (“д”,“е”,“ж”-бандларга кўра) ўқишдан четлаштирилаётган ҳолда, университетнинг "Ёшлар" иттифоқи ташкилоти билан ҳам келишилиши мумкин.
Интизомий жазога тортилаётган талаба ўзига қўлланилган жазо чорасининг ноқонунийлиги ва адолатсизлиги юзасидан қонун ҳужжатларида белгиланган тартибда университет ректори, вазирлик ёки судга мурожаат этиши мумкин.
Талаба университетдан четлаштирилганда, унга шахсий ҳужжатлари, белгиланган шаклдаги академик маълумотнома топширилади ва уларнинг нусхаси шахсий йиғма жилдида сақланади.
Интизомий жазо чоралари талабаларнинг касаллик ёки таътилда бўлган вақти ҳисобга олинмаган ҳолда ҳатти-ҳаракат аниқлангандан сўнг бир ойдан ва ҳатти-ҳаракат содир этилганидан сўнг олти ойдан кечиктирилмай қўлланилади. Талабалар касаллик пайтида, академик таътил ёки ҳомиладорлик ва туғиш ҳолати билан боғлиқ бўлган таътил пайтларида талабаларга интизомий жазо чораларини қўллаш ман этилади.
Талаба касаллиги туфайли ўқув жараёнига қатнашмаётганлиги ҳақида ўзи ёки ота-онаси томонидан 3(уч) кун муддат ичида деканатга ёзма равишда маълум қилиши лозим.

3.9. Факультетнинг профессор-ўқитувчилари ва илмий ходимлари қуйидаги ҳуқуқларга эга:
а) белгиланган тартибда университет ва факультет Кенгашларига сайлаш ва сайланиш;
б) олий таълим муассасасининг фаолиятига тааллуқли масалаларни муҳокама қилишда иштирок этиш;
в) олий таълим муассасасининг ахборот-ресурс маркази, ўқув ва илмий бўлинмаларнинг хизматларидан, шунингдек, ижтимоий-маиший, тиббий ва бошқа бўлимлар хизматидан жамоа шартномасига мувофиқ фойдаланиш;
г) ўқитишнинг услуб ва воситаларини танлаш, ўқув ва илмий жараённинг юқори сифатини таъминловчи илмий-тадқиқот ишларини амалга ошириш;
д) олий таълим муассасаси маъмуриятининг буйруқ ва фармойишлари юзасидан қонунчиликда белгиланган тартибда мурожаат қилиш;
е) қонунчиликда белгиланган тартибда вакант профессор-ўқитувчи лавозимларига эълон қилинган танловларда қатнашиш;
ж) ўзлари ишлаётган кафедра, факультетдан ташқари бошқа факультет, кафедра, ташкилотларда ўриндошлик асосида ишлаш (асосий иш жойи билан келишилган ҳолда);
з) хорижий ҳамкасбларнинг соҳага доир илмий ва ўқув-услубий адабиётлари билан танишиш ва улар билан фикр алмашиш;
и) ўз фани бўйича сифатли дарсликлар ва ўқув қўлланмалар тайёрлаш;
й) назарий билимларини амалий тажрибасини, илмий-тадқиқот олиб бориш услубини, педагогик маҳоратини такомиллаштириб бориш;
к) талабаларнинг илмий-тадқиқот ишларига раҳбарлик қилиш;
л) грантлар, илмий лойиҳалар, хўжалик шартномаларида иштирок этиш;
м) Ўзбекистон Республикасининг таълим соҳасига оид қонунчилигида белгиланган бошқа ҳуқуқлардан фойдаланиш.

3.10. Факультетнинг профессор-ўқитувчилари ва илмий ходимларининг мажбуриятлари қуйидагилардан иборат:
- таълим тўғрисидаги қонунчилик, меҳнат интизоми, университетнинг Устави, ички тартиб ва одоб-аҳлоқ қоидаларига қатъий риоя қилиш, ўзларининг хизмат вазифаларини виждонан бажариш ва ўқитувчилик шаънига доғ туширмаслик;
- иш жараёнида мулоқат қиладиган университет ходимлари, талабалари ва бошқа шахслар билан ҳушфеъл муносабатда бўлиш;
- иш берувчининг қонуний фармойишларини, ҳар йили тасдиқланадиган шахсий иш режанинг ўқув-услубий, илмий ва маънавий-маърифий ишларини ўз вақтида ва сифатли бажариш;
- дарслик, ўқув қўлланма ва бошқа ўқув адабиётлари, илмий мақолалар, монографиялар ёзиш;
- тарбиявий ишларни олиб бориш, талабалар билан маънавий- маърифий ишларда, шу жумладан, дарсдан ташқари вақтларда ўтказиладиган тадбирларда бевосита иштирок этиш;
- кафедранинг тасдиқланган илмий-амалий, илмий-педагогик анжуманларида иштирок этиш;
- ўз малакасини мунтазам равишда ошириб бориш;
- академик лицей ва касб-ҳунар коллежлари учун ҳамкорликда янги авлод ўқув адабиётлари, ўқув-услубий мажмуалар яратишда иштирок этиш;
- академик лицей ва касб-ҳунар коллежларида очиқ ва муаммоли машғулотлар ҳамда “мастер класс”лар ўтказиш;
- ўрта махсус, касб-ҳунар таълими тизими муассасаларида ўтказиладиган маънавий-маърифий тадбирларда иштирок этиш;
- ўрта махсус, касб-ҳунар таълими тизими муассасаларида замонавий ахборот-коммуникация ҳамда педагогик технологиялар асосида таълим сифатини оширишга доимий равишда кўмаклашиш;
- меҳнатни муҳофаза қилиш, техника хавфсизлиги ва ишлаб чиқариш cанитария ва гигиенаси қоидаларига риоя қилиш;
- университет ва факультетнинг мол-мулкини авайлаш, ундан оқилона фойдаланиш;
- иш берувчига бевосита етказилган моддий зарарни ўрнатилган тартибда қоплаш;
- университетнинг жамоатчилик ишларида қатнашиш;
- педагогик ва илмий жараённинг самарадорлигини таъминлаш;
- таълим олувчиларнинг танлаган йўналиши (мутахассислиги) бўйича юксак касбий тайёргарлигини ва меҳнатга бўлган қобилиятни шакллантириш;
- чет тиллари ва ахборот-коммуникация технологияларидан билим даражасини мунтазам ошириб бориш;
- таълим олувчиларда мустақил фикрлаш, ташаббускорлик, ижодий қобилиятини шакллантириш;
- университетда “Устоз-шогирд” тизимида иштирок этиб, ўзига бириктирилган шогирдлар билан педагогик, илмий-педагогик, маънавий-маърифий ва тарбиявий ишларни амалга ошириш;
- ўзининг одоби, маданияти, маънавий савияси билан ўрнак бўлиш;
- кийиниш маданиятига риоя этиш;
- республикада амалга оширилаётган кенг кўламдаги илмий- иқтисодий ислоҳотлар ва жаҳонда рўй бераётган янгиликлардан хабардор бўлиш;
- университет, факультет, кафедра томонидан ташкил этиладиган маданий, маънавий, маърифий тадбирларда фаол иштирок этиш;
- ўзи ўқитадиган фан дастурини мунтазам фан ва техника ютуқлари асосида бойитиб бориш;
- ўқув машғулотларини юқори савияда ташкил этиш ва ўтиш;
- фан йўналишига тегишли янги манбаларни топиш ва улар билан талабаларни таништириб бориш;
- ҳар ўқув йили бошлангунга қадар ўзи машғулот олиб борадиган фан(лар)нинг ишчи ўқув дастури, календарь режасини ишлаб чиқиш ва кафедра мажлисида тасдиқлаш;
- рейтинг назоратларини ўз вақтида ўтказиш;
- талабалар билимини холисона баҳолаш;
- янги педагогик технологияларни дарс жараёнида қўллаш;
- ўзининг илмий салоҳияти ва педагогик маҳоратини ошириш;
- талабалар илмий-тадқиқот ишларига раҳбарлик қилиш;
- хўжалик шартномалари асосида илмий-тадқиқот ишларини бажариш;
- олий таълим тизимида амалга оширилаётган ислоҳотларда фаол қатнашиш.
3.11. Факультет ходимларининг чет эл хизмат сафарлари вазирлик томонидан тасдиқланган “Ўзбекистон Республикаси олий таълим муассасаларидан хорижий сафарларга бориш тартиби тўғрисида”ги муваққат Йўриқнома асосида амалга оширилади.
3.12. Факультет ходимларининг ҳуқуқ ва мажбуриятлари университетнинг Низоми, Ички тартиб ва одоб-аҳлоқ қоидалари ҳамда лавозим йўриқномалари билан белгиланади.


IV. Ўқув, ўқув-методик, илмий-тадқиқот ишлари ва педагогик кадрлар тайёрлаш

4.1. Факультетда таълим жараёни таянч олий таълим муассасаси томонидан ишлаб чиқиладиган ва ўрнатилган тартибда тасдиқланадиган ўқув режалари ва дастурлари асосида университет ректори томонидан тасдиқланган йиллик ўқув жараёни ҳамда машғулотлар жадвали билан тартибга солинади.
Таълим жараёнини мақсадли йўналтириш йўли билан ташкил этиш, яъни таълим шакллари, услуб ва воситаларни танлаш йўли билан университет талабаларига олий таълимнинг асосий касбий таълим дастурларини ўзлаштириш учун зарурий шароитлар яратиб берилиши лозим.
Таълим ва тарбиянинг бирлиги Олий таълимнинг давлат таълим стандартлари, малака талаблари, ўқув режа ва дастурлариа сосида таъминланади.
4.2. Факультетда ўқув машғулотларининг қуйидаги асосий турлари белгиланган: маъруза, амалий, лаборатория, семинар, курс иши, малакавий амалиёт, битирув малакавий иши.
Аудитория машғулотларининг барча турлари учун 80 дақиқалик академик соат белгиланган. Ўқув машғулотлари орасидаги танаффус камида 10 дақиқа бўлади.
Таълим ва тарбия олиб бориладиган тиллар: ўзбек, рус ва қозоқ тиллари ҳисобланади.
Факультетда кадрларни тайёрлаш ишлаб чиқаришдан ажралган ҳолда олиб борилади.
Факультетда ўқув йили икки семестрга бўлинади ва унинг ҳар бирида талабаларнинг ўзлаштириши рейтинг назорати шаклида олиб борилади.
Ўзлаштирувчи талабаларни курсдан курсга ўтказиш факультет деканининг тавсияси асосида ректор буйруғи билан амалга оширилади. Талабаларни курсдан курсга шартли ўтказиш мумкин эмас.
Олий таълимнинг таълим дастурларини ўзлаштириш Олий ва ўрта махсус таълим вазирлиги томонидан тасдиқланган ва Адлия вазирлигида давлат рўйхатидан ўтказилган “Олий таълим муассасалари талабалари билимини назорат қилиш ва баҳолашнинг рейтинг тизими тўғрисида Низом”га мувофиқ тартибга солинади ҳамда “Ўзбекистон Республикаси олий таълим муассасалари битирувчиларининг якуний давлат аттестацияси тўғрисида”ги Низомга мувофиқ битирувчиларнинг якуний давлат аттестацияси натижалари асосида тугалланади.
Университетда илғор педагогик ва ахборот технологиялари, таълимни индивидуаллаштириш ва мустақил таълим олиш воситаларини, модул тизими ҳамда масофавий таълим беришни қўллаш ҳисобига мутахассислар тайёрлаш сифатини оширишга йўналтирилган илмий-услубий ишлар амалга оширилади.

V. Якуний қоидалар

Факультет университет қонунчилигида белгиланган тартибда қуйидагиларга жавоб беради:
- унинг ваколатига киритилган вазифаларни бажарилишига;
- таълим жараёнида ўқув режа ва жадвалларга мувофиқ таълим дастурлари ҳажмини тўлиқ бажарилишига;
- Ўзбекистон Республикасининг қонунчилигида назарда тутилган бошқа ҳатти-ҳаракатларга.
5.2.Факультетнинг Низомига ўзгартириш ёки қўшимчалар киритиш университет ректор буйруғи асосида амалга оширилади.
5.3. Ушбу Низом факультетнинг 2018 йил 30 августдаги 1-сонли Кенгаши йиғилиши томонидан қабул қилинган.




- malakali yetuk kadrlarni tayyorlash;
- fakultetlarda o‘quv, ilmiy, uslubiy, ma’naviy-ma’rifiy ishlarga bevosita rahbarlik qilish;
- davlat ta’lim standartlari, o‘quv rejalar, o‘quv dasturlar bajarilishini ta’minlash;
- o‘quv mashg‘ulotlarini o‘tkazish uchun jadvallar tuzishni tashkil etish va bajarilishini nazorat qilish;
- o‘z vakolati doirasida fakultetning barcha xodimlari, talabalari, fakultet qoshidagi maxsus kurslarda ta’lim oluvchilar uchun majburiy bo‘lgan farmoyishlarni chiqarish;
- talabalarning o‘zlashtirishi, davomati, reyting nazorati, shuningdek intizom masalalarini hal etish;
- talabalarni kursdan kursga o‘tkazish to‘g‘risida buyruqlar loyihasini tayyorlash;
- talabalarni bitiruv malakaviy ishlarini himoya qilishi va davlat attestatsiyasida qatnashishlarini tashkil etish;
- iqtidorli talabalarni izlash, aniqlash va ular bilan individual, maqsadli ishlash tadbirlarini tashkil etish, ulardan fanlar bo‘yicha olimpiadalar, turli jamg‘armalar (jumladan xorijiy) tanlovlarida qatnashishga jalb etish;
- talabalarga stipendiya berilishi to‘g‘risidagi taqdimnoma va buyruq loyihasini tayyorlash;
- aspirant va tadqiqotchilar tayyorlash, professor o‘qituvchilar malakasini oshirish ishlarini muvofiqlashtirish;
- fakultetda ta’lim yo‘nalishlariga taalluqli darsliklar, o‘quv uslubiy qo‘llanmalar tayyorlash ishlarini boshqarish;
- yangi informatsion texnologiyalarni o‘quv jarayoniga keng tadbiq etilishi professor-o‘qituvchilarning yangi informatsion texnologiyalarni o‘zlashtirishlariga ko‘maklashish;
- fakultet Ilmiy Kengashini boshqarish;
- ilmiy va ilmiy uslubiy konferensiyalar, kafedralararo yig‘ilishlar, fakultet professor o‘qituvchilari va talabalari ishtirokida dolzarb mavzularda (jumladan, sohadagi yangiliklar va ilmiy texnik rivojlanish masalalari, mamlakat iqtisodiy ijtimoiy rivojlanish masalalari va h.k.) seminarlar, muloqot (diskussiya)lar tashkil etish va o‘tkazish;
- TDPUning marketing xizmati bilan hamkorlikda fakultetda tayyorlanayotgan mutaxassislarga mavjud va istiqbolli ehtiyojlarni o‘rganish, mutaxassislarga talabgor tashkilot, korxona muassasalar bilan aloqalar o‘rnatish, bitiruvchilarni ishga joylashish imkoniyatlarini tartibga solish (maqsadli shartnomalar), amaliy tavsiyalar berish;
- turdosh oliy va o‘rta maxsus ta’lim muassasalari jumladan rivojlangan xorijiy mamlakatlar bilan hamkorlik aloqalarini o‘rnatish;
- fakultet miqyosida mustaqil ravishda qo‘shimcha ta’lim xizmatlari ko‘rsatishni tashkil etish (o‘z hisob raqamiga ega bo‘lgan alohida “markaz”, “Kurs” va h.k.), grantlar, investitsiyalar jalb etish, bunda fakultet professor-o‘qituvchilari va talabalarning faol ishtirokini ta’minlash;
- o‘quv mashg‘ulotlari, yakuniy baholash jadvalini tuzish, tasdiqlash va bajarilishini nazorat etish;
- kafedralar o‘quv yuklamalarini yillik hisobotlarni ishlab chiqish;
- fakultetda, talabalar turar joyida tarbiyaviy ishlarni tashkil etish;
- vakolati doirasida og‘zaki va yozma murojaatlarni ko‘rib chiqish hamda murojaat qiluvchilarni qabul qilish.


Fakultetda 5111700- «Boshlang‘ich ta’lim va sport tarbiyaviy ishi», 5112000-«Jismoniy madaniyat», 5111100-«Musiqa ta’limi» bakalavr ta’lim yo‘nalishlari va magistratura “5A111701” Ta’lim va tarbiya nazariyasi va metodikasi (boshlang‘ich ta’lim), “5A111101” Musiqa ta’limi va san’at”, “5A112001” Jismoniy tarbiya va sport mashg‘ulotlari nazariyasi va metodikasi”mutaxassisliklari bo‘yicha ta’lim muassasalariga kadrlar tayyorlanib kelinmoqda. Fakultet universitetning 2-o‘quv binosida joylashgan.
Hozirgi kunda fakultetda 3 ta “Boshlang‘ich ta’lim metodikasi”, ”Jismoniy madaniyat” va “Musiqiy ta’lim” kafedralari faoliyat olib bormoqda. Fakultet buyicha ilmiy salohiyat 45 % ni tashkil etmoqda. Shulardan 2 fan doktori, 21 ta dotsent 12 ta katta o‘qituvchilardir.
Fakuletda jami 27 o‘quv auditoriyalari bo‘lib shulardan 2 tasi kompyuter xonalsi 1ta xor mashg‘ulotlarini o‘tkazish uchun maxsus mo‘ljallangan xona 12 ta auditoriya televizor bilan jihozlangan va 2 ta ko‘chma proektor mavjud. O‘quv jarayoni ikki smenada tashkil etilgan. Ta’lim yo‘nalishi va kurslari bo‘yicha 38 akademik guruh mavjud bo‘lib yuqori malakaga ega bo‘lgan professor-o‘qituvchilar guruhlarga murabbiy qilib tayinlangan.
O‘quv jarayonlarini tashkil qilish maksadida o‘quv ishlari va fakultet talaba yoshlar bilan ishlash bo‘yicha 2 ta dekan muovinlari faoliyat yuritib kelmoqda. Fakultetning umumiy talabalar soni 737 tani tashkil etadi.

Fakultet professor-oqituvchilari tomonidan ilmiy-pedagogik sohada ham tizimli ishlar amalga oshirilmoqda va quyidagi ustivor yo‘nalishlarga qaratilgan:
1) Xalq ta’limining hozirgi taraqqiyot davrida boshlang‘ich ta’lim tizimi va tarkibini innovatsion takomillashtirish.
2) Tarbiyaviy ishlar tizimida barkamol avlodni tarbiyalashda boshlang‘ich sinf o‘qituvchilarini tayyorlashning innovatsion muammolari
3) Boshlang‘ich ta’lim va sport-tarbiyaviy ish yo‘nalishida ona tili, matematika, rus tili, ona tili o‘qitish metodikasi, matematika o‘qitish metodikasi, rus tili o‘qitish metodikasi, tarbiyaviy ishlar, jismoniy madaniyat fanlarini o‘qitishni takomillashtirish texnologiyalari.
4) Jismoniy tarbiyaning sifatini oshirish o‘quv-metodik ta’minotni takomillashtirish, jismoniy tarbiya jarayoniga innovatsion texnologiyalarni keng joriy etishning dolzarb masalalari.
5) Boshlang‘ich ta’limning sifatini oshirish о‘quv-metodik ta’minotni takomillashtirish, ta’lim-tarbiya jarayoniga innovatsion texnologiyalarni keng joriy etishning dolzarb masalalari.
6) Musiqa ta’limi yo’nalishida o’qitishning sifat va samardorligini oshirish: muammo va yechimlar”

Fakultetda mehnat qilayotgan professor-o’qituvchilarning ning ilmiy salohiyati quyidagicha:

Kafedraning nomi Professor-o’qituvchilar soni Professor,
Fan doktori Dotsent Katta o’qituvchi o’qituvchi Ilmiy salohiyati/o’rindosh bilan O’rtacha yoshi
Boshlang’ich ta’lim metodikasi 23 / 6 2 / 1 13 / 1 6 2 / 4 65% / 59% 48
Jismoniy madaniyat 15 / 3 - 2 / 2 5 8 / 1 11% / 22% 41
Musiqiy ta’lim 10 / 1 - 6 1 3 / 1 60% / 55% 51
Fakultet bo’yicha 48 / 10 2 / 1 21 / 3 12 13/ 6 45% / 45% 46,6
BTM kafedrasida 27 ta o`qituvchi bo`lib, ilmiy salihiyat 65 foizni tashkil etadi.
Kafedra faxriy frofessori, pedagogika fanlari doktori, R.A.Mavlonova, Kafedra mudiri A.Xalikov professor, pedagogika fanlari doktori, M.B.Urazova pedagogika fanlari doktori, M.Djumayev professor, pedagogika fanlari nomzodi. Dosentlar: D.Shodmomqulova, M.Hamrayev, D.Aytboyev, X.Sanoqulov, Z.Artikbayeva, A.Sadikova, N.Muxitdinova, N.Xamedova, D.Abdurahimova, N.Voxidova, A.Nisanbayeva, Z.Urazova, L.Karabayeva, I.Rejametova, U.Masharipova, M.Toshpulatovalar himoya qilib kafedrada faoliyat ko‘rsatmoqda.
Kafedra professor o’qituvchilari tomomnidan har yili 100 dan ortiq ilmiy maqollar Xitoy, Yaponiya, Fransiya, Germaniya, Ruminiya, Belgiya, Gonkong, Janubiy Koreya, Qozog`ston, Tojikiston, Rosiya xorjiy mamlkatlarning nufuzli jurnallarida chop etilmoqda.
Innovatsiya va ilmiy ishlar natijalari sifatida kafedrada bir nechata ilmiy monografiyalar chop etilgan. M.Jumaevning 1.(2017 ) Metodika prepodavaniya matematiki v nachalnыx klassax . Izdatelskiy Dom: LAP LAMBERT Academic Publishing. Veb-sayt: https://www.lap-publishing.com/. Monografiya.2017 yil. Germaniya. 16 b.t
2.Boshlang’ich sinflarda matematika o’qitish metodikasidan amaliy va laboratoriya mashg’ulotlarini tashkil etish. Toshkent. Monografiya.“Fan”, 2008 yil. 15 b.t
3.O’quvchining ijodiy shaxs sifatida rivojlanishida bo’lajak boshlang’ich sinf o’qituvchilarining metodik-matematik tayyorgarligi. Monografiya. Toshkent. .“Fan”, 2009 yil 15 b.t monografiyalari chop etilgan.
A.Xalikovning “Pedagogik mahoratni shakllantirish nazariyasi va amliyoti” monografiyasi. 2017 yil.Toshkent Fan. 15 b.
D.Abduraximovaning “Ta’limiy-didaktik qadriyatlarni boshlang‘ich ta’lim tizimiga tatbiq etishga innovatsion yondoshuv” 2016 yil.Toshkent Fan. 15 b.
Z.Urazovaning “Boshlang`ich sinflarda sinfdan tashqari ishlarni tashkil etishning nazariya va amaliyoti” monografiyalari chop etilgan.
Innovatsion va fundamental grantlar loyihalarining bajarilishi:
Boshlang’ich ta’lim va jismoniy madaniyat fakultetida ped.f.d., prof.B.S.Abdullaeva rahbarligida “A-1-23. Boshlang’ich sinf o’qituvchilari uchun matematikadan multimediali dars ishlanmalar majmuasini yaratish” mavzusidagi loyiha faoliyat ko’rsatadi.
2016-2018 o’quv yilida 6-24-YoA Boshlang’ich ta’lim metodikasi kafedrasi katta o’qituvchisi X.Bakieva rahbarligida yosh olimlar doirasida loyiha ishlari amalga oshirilmoqda.
Ped.f.d., prof.B.S.Abdullaeva rahbarligida “FZ-7569. Bo’lajak boshlang’ich sinf o’qituvchilarning zamonaviy axborot kompetentligini rivojlantirish tamoyillarini tadqiq qilish” mavzusidagi 2017-2020 yillarga mo’ljallangan fundamental loyiha faoliyat ko’rsatadi.
Boshlang‘ich ta’lim metodikasi kafedrasida professor-o‘qituvchilar tomonidan iqtidorli talabalarni izlash, tanlash va tarbiyalash yo‘lga qo‘yilgan, ustoz-shogird tizimi faoliyat olib boryapti. Ustoz-shogird tizimi rejasi mavjud, tasdiqlangan. Ustoz-shogird tizimi bo‘yicha fakultet kafedralarining yetakchi professor-o‘qituvchilaridan 14 nafariga iqtidorli talabalar biriktirilgan. M.Jumaev ustoz-shogird an’analarini davom ettirib kelmoqda, uning rahbarligida talaba Muhitdinova Nigora “Innovatsion g‘oyalar, texnologiyalar va loyihalar VII respublika yarmarkasi”da faol ishtirok etib, “Fan va ta’lim sohasidagi eng yaxshi innovatsion loyiha uchun” 2.000.000. so‘mlik sertifikat bilan taqdirlandi. Shuningdek, magistri Matupaeva Shohsanam “Yilning eng yaxshi talabasi” tanlovining magstratura yo‘nalishi bo‘yicha 1-o‘rin sohibi bo‘ldi. Matupaev Shoxsanam M.Jumaev ilmiy rahbarligida ish olib borib Prezident Stependiyati bo‘lishga muvofiы bo‘ldi. M.Jumaevning ilmiy rahbarligida ikki nafar shogirdi (2007-2009y.y.)nomzodlik ilmiy darajasini, (Boboqulov Salohiddin 2007 y, Nazarova Barno 2009 yil), 10 dan ortiq shogirdlari magistrlik ilmiy darajasini olishga muvaffaq bo‘lishdi.

Boshlang`ich ta’lim va jismoniy madaniyat fakultetida ma’naviy-ma’rifiy ishlar jamoat tashkilotlari, kafedralar, akademik guruh murabbiylarining ma’naviy-ma’rifiy va tarbiyaviy ishlar rejalari asosida olib boriladi.
Ma’naviy-ma’rifiy sohadagi ishlar 9 ta yо‘nalish bo‘yicha amalga oshiriladi.
2017-2018 o‘quv yili davomida ma’naviy-ma’rifiy sohaga doir О‘zbekiston Respublikasi Prezidenti Farmonlari, Qarorlari, Vazirlar Mahkamasi qarorlari, Vazirlik hay’ati qarorlari, buyruqlari va modemlarida berilgan vazifalar ijrosi fakultetda va mavjud kafedralarda bajariladi. Jumladan: “2017-2021 yillarda О‘zbekiston Respublikasini rivojlantirishning beshta ustuvor yо‘nalishi bо‘yicha Harakatlar strategiyasini “Faol tadbirkorlik, innovatsion g‘oyalar va texnologiyalarni qо‘llab-quvvatlash yili”da amalga oshirishga oid davlat Dasturi, “Oliy ta’lim tizimini yanada rivojlantirish chora-tadbirlari tо‘g‘risida”gi Qaror, “Oliy ma’lumotli mutaxassislar tayyorlash sifatini oshirishda iqtisodiyot sohalari va tarmoqlarining ishtirokini yanada kengaytirish chora-tadbirlari tо‘g‘risidagi” qaror, “Yoshlarga oid davlat siyosati samaradorligini oshirish va О‘zbekiston yoshlar ittifoqi faoliyatini qо‘llab-quvvatlash tо‘g‘risida”gi farmonlar asosida fakultetning chora-tadbirlar Dasturi ishlab chiqildi va ijrosi ta’minlandi.
Xar yili о‘quv yili boshlanshi bilan О‘zbekiston Respublikasi mustaqilligi bayramiga xamoxang tarzda barcha akadem guruhlarida “Mustaqillik va “Xotira darslari” о‘tkaziladi. Shuningdek ustoz murabbiylar kuni ya’ni 1-oktabr jamoada keng nishonlanadi. Xar yili fakultetda mehnat qilayotgan fidoiy professor-о‘qituvchilar universitet? fakultet rahbariyati tomonidan moddiy va ma’naviy rag‘batlantiriladi. Ularga faxriy yorliqlar va esdalik sovg‘alari topshiriladi.
Boshlang`ich ta’lim va jismoniy madaniyat fakultetida Vatanimiz qomusi bо‘lmish Konstitusiyaning qabul qilinganligi, Navrо‘z bayrami, shonli sanalar, buyuk mutafakkirlar tavallud ayyomlarini nishonlash bо‘yicha oyliklar tashkil etilgan xolda keng nishonlanadi. Ushbu tadbirlarda universitetimizning barcha professor-о‘qituvchilari, talabalari faol ishtirok etishadi.
Boshlang`ich ta’lim va jismoniy madaniyat fakultetida jamoasi doimiy tarzda tarixiy maskanlarga, teatrlarga, muqaddas qadamjolarga, ziyoratgohlarga tashriflar uyushtirishadi.
Shu bilan birga talaba-yoshlar o‘rtasida kitobxonlikni ommalashtirish maqsadida xar haftada o‘tkaziladigan Axborot va murabbiylik soatlarida “Mening sevimli kitobim” mavsusida talabalar o‘zlari o‘qigan kitob bo‘yicha taasuurotlari bilan o‘rtoqlashadilar.
Fakultetda faoliyat yuritayotgan jamoat tashkilotlari ham talabalar bilan o‘tkaziladigan ma’naviy-ma’rifiy tadbirlarda doimo bosh-qosh bo‘lib kelishmoqda.