Mamatqulov Doniyor Anvarovich

Defektologiya dekani
Biologiya fanlari nomzodi professor


Mamatqulov Doniyor Anvarovich 1972-yil 17-martida Farg’ona viloyati Buvayda tumanidagi Jov qishlog`ida tug`ilgan, millati o`zbek.


Mamatqulov Doniyor Anvarovich 1972-yil 17-martida Farg`ona viloyati Buvayda tumanidagi Jov qishlog`ida tug`ilgan, millati o`zbek.
U 1989-1994-yillari Nizomiy nomidagi Toshkent davlat pedagogika instituti talabasi bo`lgan.
1994-1997-yillarda Nizomiy nomidagi Toshkent davlat pedagogika instituti odam va hayvonlar anatomiyasi, fiziologiyasi kafedrasi stajor-tadqiqotchisi bo`lib ishlagan. 1997-2004-yillarda kafedrasi o`qituvchisi, 2004-2008-yillarda Toshkent davlat pedagogika universiteti zoologiya, anatomiya va fiziologiya kafedrasi katta o`qituvchisi lavozimlarida ishlagan. 2008-2009-yillarda pedagogika va psixologiya fakulteti o`quv ishlari bo`yicha dekan muovini vazifalarida faoliyat ko`rsatdi. 2009-yildan 2011-yilgacha zoologiya, anatomiya va fiziologiya kafedrasi katta o`qituvchisi, 2011-yil 2-sentyabridan 2012-yil 18-apreligacha dotsent vazifasini bajaruvchi lavozimlarida faoliyat olib borgan.
Mamatqulov Doniyor Anvarovich 2005-2012-yillari O`zbekiston Respublikasi Fanlar Akademiyasi Biokimyo instituti, Gormonlar biokimyosi laboratoriyasida o`rindoshlik asosida kichik ilmiy xodim vazifasida ishlagan. 2010-yil 22-noyabrda “Qalqonsimon bez xujayralarida o`sma hosil bo`lishida tireoglobulin geni ekspressiyasi qonunlarini struktura-funksional xossalari” mavzusida nomzodlik dissertatsiyasini himoya qilgan.
Mamatqulov Doniyor Anvarovich 2012-yil 18-aprelidan hozirgi vaqtgacha zoologiya, anatomiya va fiziologiya kafedrasi mudiri lavozimida ishlab kelmoqda. Kafedrani joriy va istiqbol ish rejalari asosida umumta`lim, o`rta maxsus va kasb-hunar ta`limi muassasalari bilan hamkorlikda ishlashga katta e`tibor beradi.
Mamatqulov Doniyor Anvarovich muntazam pedagogik texnologiyalar va axborot-texnologiyalaridan malakasini oshirib kelmoqda. Jumladan, 2017-yil oktyabr oyida Oliy va o`rta maxsus ta`lim vazirligi huzuridagi rahbar xodimlarni qayta tayyorlash va ularning malakasini oshirish Bosh ilmiy metodik markazida Ta`lim menejmenti yo`nalishi bo`yicha tahsil oldi.
Mamatqulov Doniyor Anvarovich “Sport anatomiyasi”, “Anatomiya, fiziologiya va antropologiya” nomli o`quv qo`llanma, “Sog`lom turmush tarzini shakllantirishda tana gigiyena - profilaktika qoidalarining ta`sir mexanizmlarini yaratish”, “Sog`lom turmush tarzi –Obod turmush tarzi”, “Chorva mollari va parrandalar gelmintlari (trematodalari) va ularning oldini olish choralari” nomli metodik qo`llanmalar yaratgan. Mamatqulov Doniyor Anvarovich 50 dan ortiq mahalliy va xorijiy jurnallardagi maqolalar, tezislar muallifi hisoblanadi. Shu bilan birga, 2012-2014 yillarda amalga oshirilishi mo`ljallangan ITD-1-71 raqamli “Sog`lom turmush tarzini shakllantirishda tana gigiyena-profilaktika qoidalarininig ta`sir mexanizmlarini yaratish” nomli loyihaga rahbarlik qildi va loyiha asosida ishlab chiqilgan tavsiyalar amaliyotga joriy etilmoqda.
Mamatqulov Doniyor Anvarovich bakalavriat ta`lim yo`nalishlari va magistratura mutaxassisliklar bo`yicha DTSlarni yaratish, na`munaviy va ishchi dasturlarini tuzishda faol ishtirok etadi. Bundan tashqari kafedrada uning rahbarligida fanlar bo`yicha 20 ga yaqin o`quv uslubiy majmualar ishlab chiqilib ta`lim jarayoniga tadbiq qilindi.
Kafedrada o`quv, ilmiy va ilmiy-metodik faoliyatni tashkillashtirishga alohida e`tibor qaratish bilan birga, yosh pedagogik kadrlarni kafedralarga jalb etish bo`yicha amaliy ishlar olib bormoqda. Jumladan, 2013-yilda 1 nafar, 2014-yilda 2 nafar magistratura bitiruvchilari kafedraga ishga jalb etildi.
Mamatqulov Doniyor Anvarovich doimiy ravishda o`z ustida ishlaydi, mustaqil fikrlab ish yuritadi, ishbilarmon, talabchan va mehnatsevarligi bilan professor-o`qituvchilar orasida katta obro`ga ega.
Oilali, 3 nafar farzandning otasi.




Certificates