Boshlang’ich ta’limda matematika va uni o’qitish metodikasi kafedrasi Boshlang’ich ta’lim fanlari kafedrasi tarkibidan ajralib mustaqil kafedra sifatida 2022 yil fevral oyidan p.f.n.prof.v.b. X.R.Sanakulov mudirligida faoliyat ko’rsata boshladi.
Kafedra 1959 yilda «Boshlang’ich sinf pedagogikasi» kafedrasidan «Boshlang’ich ta’lim metodikasi» kafedrasi nomi bilan ajralib chiqgan. Unga dastlab dotsent M.U.Umarov, keyinroq dotsent A. G. Azizova rahbarlik qilgan. 1967 yildan 1990 yilgacha professor K.K.Qosimova boshqargan.1990 – 1996 yillari pedagogika fanlari nomzodi professor Tadjiyeva Zumrad G’iyosovna boshqargan. 1996 -2022 yillari pedagogika fanlari doktori professor Mavlonova Raxima Abdurazakovna boshqargan. 2002 yildan 2011 yilgacha kafedra “Gumanitar fakultetlarda matematika” deb nomlanib, 2002 – 2006 yillari kafedra mudiri sifatida pedagogika fanlari nomzodi professor Tadjiyeva Zumrad G’iyosovna boshqardi.
2006 -2008 yillari “Gumanitar fakultetlarda matematika” kafedra mudiri sifatida pedagogika fanlari nomzodi dotsent Jumayev Mamanazar Irgashevich boshqargan. 2008 -2014 yillari “Gumanitar fakultetlarda matematika” kafedra mudiri sifatida pedagogika fanlari doktori professor Abdullayeva Barno Sayfutdinovna boshqargan.
2014 - 2016 yillari “Boshlang’ich ta’lim metodikasi” nomi bilan yuritilgan bunda kafedra mudiri sifatida pedagogika fanlari nomzodi dotsent Sadikova Albina Venerovna rahbarlik qilgan. 2016 - 2017 yillari “Boshlang’ich ta’lim metodikasi” kafedra mudiri sifatida pedagogika fanlari nomzodi dotsent Muxitdinova Nodira Mamalatipovna boshqargan. 2017- 2021 yillari “Boshlang’ich ta’lim metodikasi” kafedra mudiri sifatida pedagogika fanlari doktori professor Xalikov Agzam Abdusalomovich boshqaradi. 2022 yili fevral oyidan “Boshlang’ich ta’lim fanlari” kafedrasidan, “Boshlang’ich ta’limda matematika va uni o’qitish metodikasi” nomi bilan ajralib chadi. Shu davrdan boshlab kafedra mudiri sifatida pedagogika fanlari nomzodi professor vazifasini bajaruvchi Sanakulov Xamrakul Rizakulovich boshqarib kelmoqda. Kafedra professor o’qituvchilari tomonidan 2 ta yo’nalishda, 5111700 -boshlang’ich ta’lim va sport tarbiyaviy ish yo’nalishi va 60110500 boshlang’ich ta’lim yo’nalishi bo’yicha Boshlang’ich matematika kursi nazariyasi, Matematika, Matematika va uni o’qitish metodikasi fanlari shuningdek, 5A5111701- boshlang’ich ta’lim magistratura mutaxassisligi bo’yicha Boshlang’ich ta’lim fanlar nazariyasi, Mutaxassilik fanlarini o’qitish metodikasi, Pedagogik tadqiqotlarda statistik metodlar, Xalqaro baholash dasturlari, Bolalarda iqtisodiy bilim berish asoslari fanlari o’qitiladi.
Kafedrada 1 ta prof, 10 ta dotsent, 2 ta PJD , 2 ta katta o’qituchi, 7 o’qituvchi faoliyat yuritadi. Kafedra professor-oqituvchilari tomonida 60 ta darslik, 75 ta o’quv qullanma, 12 ta monografiya, 500 dan ortiq Xorij va Respublika jurnallarida ilmiy –metodik maqolalar nashr qilingan.
