Хамдамова Малика Ильхамовна 1993 йил 22 мартда Тошкент шахрида туғилган. 2011-2015 йилларда Низомий номидаги Тошкент Давлат Педагогика университети, Табиий фанлар факультети, Биология ўқитиш методикаси йўналишини тамомлаган. 2015-2017 йилларда Низомий номидаги Тошкент Давлат Педагогика университетида магистратура босқичини тамомлаган. Меҳнат фаолиятини Низомий номидаги Тошкент Давлат Педагогика университети “Биология” кафедраси ўқитувчиси сифатида бошлаган. Хамдамова Малика ҳозирги вақтда Низомий номидаги Тошкент давлат педагогика университети, “Зоология ва анатомия” кафедрасининг 2-босқич докторанти. Мавзусига доир 20 та илмий-услубий ишлар, шу жумладан докторлик диссертацияларининг асосий натижаларини чоп этиш учун Ўзбекистон Республикаси Вазирлар Маҳкамаси ҳузуридаги Олий аттестация комиссияси томонидан тавсия этилган илмий нашрларда 6 та мақола, улардан 3 таси республика ва 2 таси халқаро журналларда чоп этилган, 1 та ўқув қўлланма, 1 та ўқув – услубий қўлланма, 2 та муаллифлик гувоҳномаси, , шунингдек 1 та мақола Scopus маълумотлар базасида индексланадиган журналда эълон қилинган.